Karangan Negeri Sembilan....Sumpah Pakcik Tak Paham

Pagi tu...pagi senayan. Omak ngan abah den tak do kek ghumah.Poyie motong gotah kek kobun gotah.Tingga la den..uwan dean...ngan adik den yang umor lapan tawun kek ghumah...

Tetibo...dapor ghumah jighan den molotuup....!!!Habih piuk belango ngan kuali ei tohumban kek pintu paga.Uwan den yang tongah ngojoan kekabu tu...dek tegamang ei dio...habih bijik kekabu tu di teghajang ei....Lobeh segonggam kekabu tu di kunyah ei...

Den ngan uwan den berkojar la nak nolong jighan den..Umaaangggg aaiii....api bapak moyang la bosa eii...jangankan nak nolong nak di dokek an pon paneh berdontang..tak di tolongkan jighan...di tolongkan...awak lak yang moda...yo tak yo...den ngan adik den bertinggung yo la kek pintu paga nunggu an api padam..Jighan den tu tah apo la koba an..kok idup ado lah...

Tak lamo tu...jighan den pon balik..ghupo-ghupo eii dio g nengok anak ei tangkap ikan kek bonda.. Den apolayie berkojar la kek dio nak kobar an dapor ei terbakar.Tak di apek an kek dio...Suko bonar lak anak ei dapek ikan bosar...polak nyawo den..

Yo tak yo...den pon balik la ghumah...kojap tu...den dongar jighan den meghaungg..baghu peghasan la tu...agak ei dio nak masak ikan yang dio dapek tadi..negok dapo ei da hanguih..kok dio datangn ghumah mengadu kang..mau den ghembat dio...pueh lak kito kobar an tadi..

Tu la citor sedehano ngoghi yang den nengok...tapi tu pun da lamoooo...maso den kocikk..tu pun uwan den yang citor an...'KOK MONGAK UWAN DEN...MONGAK LA DEN SKALI....